Timunent

nesuffeɣ iǧadaṛmiyen
d ibulisen i yeṭfen amkan
nɣil nefra ak d iqetalen
ziɣ mazal iqjan
weklen-ten-id ɣef yeqvayliyen
ixeddaɛen n laman
nṭaq-t-ed a kra yessusmen
si lvaṭel ur yelli win imenɛen
ad-t-qsed at-teḥlu s yiswen
tiyita id-iyi-ḍran
ddeqs aya dgi 3ussen
iɣisi deg-i ur t-id ufan
snen-iyi widak id-iyi ḥemlen
tamurt-a n yeqvayliyen
taɛya deg izarman
acḥal d iseggasen
tafat ur s-ed van ara
matub ɣer targa it deqren
ferḥat, mmi-s i s-nɣan
anwaten? mɛemri d sliman
ǧaɛut, yefṣaḥ d imeseǧernanen
amzal, meksa wi ten-yeɣvan
abbuh ay at yiraten!?
di cṛaɛ, ɣef wacu iyi-cuṛɛen
ur ttemmiḥeɣ ara idammen
deg imenɣan ttwaɣeḍlen
ayen akka ar laḥvas iyi-rran.

ANⵣA